Përplasja Tufa-Braho, flet kryetari i Ballistëve: Të zbardhen krimet që komunistët i bënë elitës shqiptare dhe Ballit

Me marrjen e mandatit të deputetit, Artur Roshi, kryetari i Ballit Kombëtar, ka ndërhyrë në debatin mes Agron Tufës dhe Spartak Brahos.

Në fjalën e tij, Roshi tha se Agron Tufa në punën e tij tek Instituti i Krimeve të Komunizmit, po zbulon anën tjetër të historisë. 

Së fundmi dua të them dy fjalë dhe për debatin mes Insitutit të Krimeve të Komunizmit dhe z.Braho që e quan insitutin seksion të Ballit.Po zotëri është seksion i Ballit sepse ana tjetër e historisë se Shqipërisë e historisë së vërtetë që nuk e njohin shqiptarët është historia e Ballit dhe kur themi zbardhje e krimeve të komunizmit zbardhen padashur krimet që komunistët kanë bërë kundrejt Ballit dhe të gjithë elitës shqiptare, mendimet e të cilës edhe nën presionin e diktaturës shkonin drej mendimeve politike të Mid’hat Frashërit. E këtu, krime janë bërë vetëm kundrejt këtyre individëve. Prandaj natyrshëm vjen silogjizmi mes krimeve të komunizmit dhe Ballit, armikut të tyre të përjetshëm. E vërteta është ajo që duhet të na bashkojë për të shkuarën dhe jo konflikti.

Si nisi përplasja?

Më 1 prill 2019, Braho ka akuzuar Tufën, se po nxin historinë. Braho tha se Tufa, me punën e tij tek Instituti i Krimeve dhe Pasojave të Komunizmit, po njollos historinë e luftës Nacional-Çlirimtare dhe heronjtë e saj.

Tufa i është deklaratave të deputetit të PS-së, duke i bërë thirrje drejtësisë që të ndërhyjë për të parandaluar ndonjë tragjedi, pasi sipas tij, Spartak Braho ka dënuar politikisht gjatë kohës së regjimit të Enver Hoxhës njerëz të pafajshëm, duke i mbyllur në çmendinë .

Në kohën që replikat vazhduan, ish-ambasadori Fatos Tarifa u bë pjesë e debatit duke e quajtur Tufën “fshatar”, ndërkohë që edhe Sabit Brokaj u bë pjesë e sherrnajës.