Teknologjia – Do të shpiket kompjuteri që parashikon vdekjen e njeriut

Shkencëtarët nga Universiteti i Nottingham-it besojnë se tashmë kompjuterat mund të parashikojnë vdekjen e parakohshme me 95 për qind saktësi. Ata kanë deklaruar se së shpejti parashikimi i rreziqeve të vdekjes së shpejti mund të jetë realitet.Studimi i tyre, i postuar këtë javë, pretendon se modelet parashikuese me inteligjencë artificiale mund të parashikojnë fare lehtë vdekjen parakohshme të personave në moshë të mesme.

Kjo do të realizohet falë mundësive që ofron teknologjia e inteligjencës artificiale. Deri më tani, parashikimet tradicionale janë bërë bazuar në demografikën, të fokusuar në moshën dhe gjininë. Kërkuesit thonë se studimi ka potencial që të përdoret për të përmirësuar kujdesin shëndetësor në të ardhmen për të parandaluar vdekjen e njerëzve në moshë të re nga sëmundjet kronike.